🛕6️⃣சூரைக்குடி அரசு நியமப்பற்றுநாட்டவரான நேமநாட்டார்கள்

📜#சாசணம் 📜* *#சூரைக்குடித்தேவர்கள்* :- ( பாண்டிய மறவர் சூரைக்குடி அரசரின் உறவினர்களான படைபற்று தளவாய் வீரர்கள் ,நியமப்பற்று,சூரைக்குடி-படைகானி படைபற்று,கழனிவாசற்பற்று) ஒன்பது கோவிலைச்சேர்ந்த ஶ்ரீமதுநேமநாட்டாரகள்) 🦚🛕🦚🛕🦚🛕🦚🛕 🐅🚩 *#சோழத்தேவர் - 🚩🐟 *#பாண்டியத்தேவர்* *#மண்டலம்* 🐟 *சோனாடு கொண்டருளிய #மாமறவன் #மாறவர்மன் #சுந்தரபாண்டியத்தேவர்* 🐅 *கள்ளச்சோழன் தென்னவன் #ஸ்ரீராசராசசோழத்தேவர்* 🙏🛕🦚⚜️🐓🔱💐🏔️ *நேமநாட்டு சூரைக்குடி ஶ்ரீமீனாட்சிசுந்தரேஷ்வரர் /ஶ்ரீசூரமாகாளி துணை* *குன்றக்குடி வள்ளல் அருள்தரு ஶ்ரீசுப்பிரமணியர்சுவாமி /ஶ்ரீசண்முகநாதன் துணை* 🏔️💐🔱🐓⚜️🦚🛕🙏 👳‍♂️👳🏻‍♀️📯👳‍♂️👳🏻‍♀️📯👳‍♂️👳🏻‍♀️📯👳‍♂️👳🏻‍♀️📯 கேரளசிங்கவளநாட்டு தேனாற்றுப்போக்குடைய அதளையைச்சேர்ந்த மறவர் குல சூரைக்குடிஅரசு நியமப்பற்றுநாட்டவரான நேமநாட்டைச்சேர்ந்த ஒன்பது கோவிலார்கள் தங்களது பண்பாடு கலாச்சாரம் மாறாமல் வாழ்ந்து வருகின்றனர் 👳‍♂️👳🏻‍♀️📯👳‍♂️👳🏻‍♀️📯👳‍♂️👳🏻‍♀️📯👳‍♂️👳🏻‍♀️📯 —— 💫💫💫💫💫💫💫💫 *கேரளசிங்கவளநாட்டு தேனாற்றுப்போக்குடைய அதளையூர்நாடாழ்வனான நியமப்பற்றுநாட்டவரான #நேமநாட்டு #சூரைக்குடிஅரசர் #விசையாலயத்தேவர்* உறவினர்களான ஒன்பது கோவிலைச்சேர்ந்த நியமப்பற்றுநாட்டவரான/நேமநாட்டார்கள் ( ஶ்ரீமது நேமநாட்டார்கள் ) ✨⚡✨⚡✨⚡✨⚡ ஸ்ரீமதுநேமநாட்டைச்சேர்ந்த ஒன்பது கோவிலார் -----------🛕🦚🙏🛕🦚🙏🛕🦚🙏🛕🦚🙏----------- 🛕 1️⃣. நெற்ப்புகப்பட்டி (எ) சூரைக்குடி/கடம்பவனம் அருள்மிகு *ஸ்ரீ நல்லகாடஐய்யனார் , பெரியகருப்பர்,துர்க்கைநாச்சியம்மன் கோவிலார்* 🛕 2️⃣ சூரக்குடி *அருள்மிகு ஸ்ரீ மீனாட்ச்சிசுந்தரேஷ்வரர் ,அடைக்கலம்காத்தஐய்யனார் கோவிலார்* 🛕 3️⃣ வெளுவூர் *அருள்மிகு ஸ்ரீ மகாசாத்த ஐய்யனார், பாலையடிகருப்பர் பாலையடிகாளியம்மன் கோவிலார்* 🛕 4️⃣ குன்றக்குடி *அருள்மிகு ஸ்ரீகலியுகமெய் ஐய்யனார்,வேங்கைபுலி கருப்பர் கோவிலார்* 🛕 5️⃣ சாலி *அருள்மிகு ஸ்ரீ அஞ்சாதபெருமாள் ஐய்யனார்,அரசுமகன்,அஞ்சாதபெருமாள்,சன்னாசி ,சாலிகருப்பர் கோவிலார்* 🛕 6️⃣ பூங்குடி *அருள்மிகு ஸ்ரீ ஆதராண்டிஐய்யனார்,கிணற்றடிகாளி அம்மன் கோவிலார்* 🛕 7️⃣ பாதரக்குடி (கழனிவாசல்/கழனிவாசற்பற்று) *அருள்மிகு ஸ்ரீ பொய்சொல்லாமெய் ஐய்யனார்/மறவன்காளி அம்மன்/ஸ்ரீதிட்டுமலைகாளிஅம்மன்,ஶ்ரீஅதலைக்காளியம்மன் கோவிலார்* 🛕 8️⃣ சூரைக்குடி *அருள்மிகு ஸ்ரீ அங்காளபரமேஸ்வரி கோவிலார்* 🛕 9️⃣ காரையூர் *அருள்மிகு ஸ்ரீ காரைசாத்த ஐய்யனார் ,தளவான் காளி கோவிலார்* 🤺🏇🤺🏇🚩🏇🤺🏇🤺 *#சூரைக்குடித்தேவர் #படைபற்று #தலைவான்கள் :* 👳‍♂️ *நியமப்பற்று நியமத்துகண்டன் (வகையறாக்கள்)* 👳‍♂️ *சூரைக்குடி/படைக்காணி படைபற்று சலியாதகண்டன் அழகுபெருமாள்தேவர் வகையறாக்கள்* 👳‍♂️ *கழனிவாசற்பற்று மெ(மே)னியான் அம்பலம் வகையறாக்கள்* 🪷💐🪷💐🪷💐🪷💐 இவண் : *ஒன்பது கோவிலைச்சேர்ந்த கிராம அம்பலகாரர்/நியமநாட்டு சேர்வைகாரர்/தேவர் பட்டங்களைத்தாங்கி நிற்க்கும் போர்குடி சலியாதகண்டன் தளவாய் மறவர் குல மக்கள்....* வரலாற்று பதிவு :- நியமப்பற்றுநாட்டவரான நேமநாட்டார் வரலாற்று ஆய்வுக்குழு 🛕🦚🙏🛕🦚🙏🛕🦚🙏🛕🦚🙏 -*-*-*-*-*-*-*-*-*-*-*-*-*-*-*-*-*-*-*-*-*-*-*-*-* 🐅🎏🏹🚩 *#சூரைக்குடிஅரசு ( சூரைக்குடித்தேவர்கள் ) #நியமப்பற்றுநாட்டவரான நேமநாட்டார்கள் (#ஸ்ரீமதுநேமநாட்டார்கள் )- #சிவகங்கைச்சீமை , #குன்றக்குடி* *#நியமப்பற்று ( மறவர்தலைவான் - கள்ளர்,மறவர்,அகம்படியர் உறவின்முறை )* ..🐅🎏🏹🚩

🛕🦚🤴 *#கேரளசிங்கவள_தேனாற்றுபோக்கு_அதளையூர்_நாடாழ்வான்_வன்னியனார்_அடைக்கலம்காத்தாரான_நாடுமதித்த_விசயாலயத்தேவரின்_வம்சாவழியினராகிய-அதளையைச்சேர்ந்த* *64 1/2* *கிராம_நியமபற்றுநாட்டவர்களான_ஸ்ரீமதுநேமநாட்டார்*🛕🤴🦚 *🛕🦚🏟️அரசர்குலம்_சூரக்குடி_அரசு_நியமப்பற்றுநாட்டவர்கள்_ஸ்ரீமதுநேமநாட்டார்🏟️🦚🛕* சலியாவாகன சாதாரன வருடம் ..... 🤺🏇🤺🏇🤺🏇🤺🏇 🐟🐅🏹 *#பூவேந்தராயர் #மூவேந்தராயர் #விருப்பாசிராயர் சீமை* .... 🐟🐅🏹 🎑பரப்புக்காணியாய் *#அதளையைச்சேர்ந்த_நேமநாடு* முதலாவதாக 🏡 *#நியமம்_நேமம்* முழுவதும் , 🏡 *#சாலி* முழுவதும், 🏡 *#ஆற்காடு* முழுவதும் மூன்றாவது 🏡 *#குன்றக்குடி* முழுவதும் , நாலாவது 🏡 *#பலவான்குடி / #தளவான்குடி* முழுவதும் ஐந்தாவது 🏡 *#வி,...னு...* ஆறாவதாக 🏡 *#மஞ்சினிப்பட்டி* முழுவதும், ஏழாவது 🏡 *#ஆத்தங்குடி* முழுவதும் எட்டாவதாக 🏡 *#சூரக்குடி* முழுவதும் ஒன்பதாவது 🏡 *#கோனாபட்டு* முழுவதும் 🏡 *#குருந்தம்பாரை* ( *#குருந்தம்பிறை* ) முழுவதும் 🏡 *#நேமத்தான்பட்டி* முழுவதும் 🏡 *#கானடுகாத்தான்* , 🏡 *#கொத்தமங்களத்திலும்* 🏡 *#பள்ளத்தூரில்* பாதியும், 🏡 *#கொளத்தூர்* முழுவதும் 🏡 *#வேலங்குடி* முழுவதும், 🏡 *#கடம்பவனம் / நெற்புகப்பட்டி* முழுவதும், 🏡 *#உஞ்சனையும்*,இந்தபகதியைச்சேர்ந்த 🏡 *#மாங்குடி* எல்லைவரை 🏡 3️⃣2️⃣▪️5️⃣ கிராமங்களை உள்ளடக்கிய *#உஞ்சனையில்கீழ்பாதி_ஊர்களும்* , 🏡 *#கழனிவாசல்* , 🏡 *#கோவிலூர்* , 🏡 *#காஞ்சிரங்குடி* , 🏡 *#பாதிரக்குடி / பாதரக்குடி/பூங்குடி*, 🏡 *#வெளுவூர்* , 🏡 *#படைகாணி* , / *#படையினிப்பட்டி* , 🏡 *#முத்துப்பட்டினம்* , 🏡 *#காரையூர் / #காரையூர்_புதுவளவு* 🏡 *#சிறுவயல்* ( *#உய்யக்கொண்டான்_சிறுவயல்* ) , 🏡 *#சிறுவெட்டிவயல்* , 🏡 *#கொசவான்பட்டி* , 🏡 *#பொந்துகம்பட்டி* ( மதுரை,நத்தம் அருகில்) 🏡 *#பிள்ளையார்பட்டி* , மேல உள்ள அனைத்து ஊர்களும்,அம்பலத்தோடு,உம்பளமும், 🎑🏡🎑🏡🎑🏡🎑🏡 *மொத்தத்தில் 64 1/2 கிராமங்களை உள்ளடக்கிய நாடே 🗾 #நேமநாடு என்னும் கேரளசிங்கவள தேனாற்றுப்போக்குடைய நியமப்பற்று நாட்டவர்களான ஸ்ரீமது நேமநாட்டார்கள்* ஆவார்கள். 🛕🦚🛕🦚🛕🦚🛕🦚🛕🦚🛕🦚🛕🦚🛕🦚🛕🦚 👨‍❤️‍👨💐 *#திருமண_உறவுமுறை* 💐👨‍❤️‍👨 *நேமநாட்டில் உள்ள ஒன்பது கோவிலிலும் பெண் எடுத்து/பெண் குடுத்துக்கொள்வார்கள்* மற்றும் *கள்ளர் /புதுக்கோட்டை அம்புநாட்டு கள்ளர்/கள்ளர்/மதுரை -நத்தம் அருகில் உள்ள பொந்துகம்பட்டி கள்ளர்/சூரக்குடி அகமுடையார்,அகமுடையார்,திருப்பத்தூர் அகமுடையார்,நேமநாட்டு மறவர்/ வன்னிய மறவர் பெண்களை மணந்து கொள்ளும் பழக்க வழக்கம் ஸ்ரீமது நேமநாட்டார்களிடயே வழக்கத்தில் உள்ளது* 🤴👨‍❤️‍👨 *#ஸ்ரீமதுநேமநாட்டார்கள்_கள்ளர்_மறவர்_அகமுடையர் பெண்களை #சூரக்குடி_அரசு காலம் முதல் #சிவகங்கை_ஆதினகர்தார்_மருதுபாண்டியர்கள் காலகட்டத்தில் இருந்து இன்று வரை தொடர்ந்து திருமணம் 💐 செய்துகொள்கின்றனர்* 🛕🦚🛕🦚🛕🦚🛕🦚🛕🦚🛕🦚🛕🦚🛕🦚🛕🦚 📯👳🏻‍♀️ சூரைக்குடி அரசரின் உறவினர்களான கேரளசிங்கவளநாட்டு தேனாற்றுப்போக்குடைய அதளையைச்சேர்ந்த நியமப்பற்று நாட்டவரான ஒன்பது கோவிலைச்சேர்ந்த நேமநாட்டார்களின் பட்டங்கள்👳🏻‍♀️📯 📯👳🏻‍♀️ தேவர் 📯👳🏻‍♀️சேர்வை/சேர்வைகாரர் 📯👳🏻‍♀️அம்பலம்/அம்பலகாரர் 📯👳🏻‍♀️மேனயான்/திருமேனியான் 📯👳🏻‍♀️சலியாதகண்டன்/வன்னியமின்டன் 📯👳🏻‍♀️தளவாய்/தளவான்/தலைவன் ---- சூரைக்குடி அரசு {பகுதி.1} ~•~•~•~•~•~•~•~ {தமிழக சிற்றரசுகள் ஒரு பார்வை} சங்க காலத்தில் வேளிர்கள் எனப்படும் பழங்குடித் தலைவர்கள் சிற்றரசர்களாக இருந்தனர். இவர்கள் சேர- சோழ- பாண்டிய பேரரசுகளுக்கு மகற்கொடை கொடுப்பது மரபாக இருந்து வந்தது. வேளிர்களின் காலத்திற்குப் பின்னர் இருக்குவேள், பழுவேட்டரையர், முத்தரையர் முதலானோர் வேளிரின் நிலையை வகித்து வந்தனர். பிற்காலச் சோழர் மற்றும் பாண்டியர் காலத்தில் குறிப்பிடத்தக்க ஆறு சிற்றரசுகள் ஒருங்கிணைந்த இராமநாதபுரம் சிவகங்கை புதுக்கோட்டை மற்றும் திருச்சியின் சில பகுதிகளில் காலூன்றியிருந்தன. இச் சிற்றரசுகளாவன, 1. சூரைக்குடி அரசு 2. அறந்தாங்கி அரசு 3.பேரம்பூர் அரசு 4.பெருங்கோழியூர்/ வழுத்தூர் அரசு 5. சேந்தமங்கலம் அரசு 6.புல்வயல் அரசு ,-ஆகியனவாகும் . மேற்கண்ட ஆறு அரசுகளின் தலைவர்களில் சூரைக்குடி சிற்றரசர் "விஜயாலயத்தேவர்" எனவும், அறந்தாங்கி சிற்றரசர் "தொண்டைமான்" எனவும், பேரம்பூர் சிற்றரசர் "நரசிங்கத்தேவர்" எனவும், வழுத்தூர் சிற்றரசர் "பல்லவராயர்" எனவும், சேந்தமங்கலம் சிற்றரசர் "தன்மராயர்" எனவும், புல்வயல் சிற்றரசர் "கடம்பராயர்" எனவும் பொதுவாக வழங்கப்பட்டனர். இவ்வரசுகளுக்கிடையே மண உறவு வழியினர் தமது உரிமையான பெயர்ப் பட்டம் தரிப்பது மட்டுமின்றி உறவுகொண்டதால் பெற்ற பட்டங்களையும் ஏற்றுச் சூடிக்கொண்டிருந்தனர். சூரைக்குடி அரசு சரித்திரம் - - - - - - - - - - - - - - - - - - - - - - - - இவற்றில் முதலில் சூரைக்குடி அரசின் இருப்பு, தோற்றம், ஆட்சி, கொடைகள், முடிவு முதலியவற்றைப் பார்ப்போம். சிவகங்கை மாவட்டம் காரைக்குடி அருகிலுள்ள சூரைக்குடி எனும் ஊரைத் தலைமையிடமாகக் கொண்ட இவ்வரசு அதளையூர் நாடு எனும் நிர்வாகப் பிரிவின் கீழ் அடங்கியதாகும். அதளையூர் நாடு என்பது, கேரளசிங்க வளநாட்டின் கீழிருந்த 7 நிர்வாகப் பிரிவுகளில் ஒன்றாகும். அவையாவன, 1. கொழுவூர்க் கூற்றம் 2. அதளையூர் நாடு 3.பாலையூர் நாடு 4.மேலைத் திருத்தியூர் முட்டம் 5.கீழைத் திருத்தியூர் முட்டம் 6.கல்வாயில் நாடு 7.பெரும்பூர் நாடு. இப்பிரிவுகளில் அதளையூர் நாடு மற்றும் கொழுவூர்க் கூற்றம் ஆகியன பின்னர் மரித்துலகங்காத்த பாண்டிய வளநாட்டின் கீழ் கொண்டுவரப்பட்டன. இவற்றுள் அதளையூர் நாடு என்பது ஆற்றின் போக்கை வைத்து இரண்டு பிரிவுகளை அடங்கியதாக இருந்தது, அவை,.. 1. அதளையூர் நாட்டுக் கீழ்க்குண்டாறு 2.அதளையூர் நாட்டுத் தேனாற்றுப்போக்கு , -என்பனவாம். இதில் அதளையூர் நாட்டுக் கீழ்க்குண்டாற்றுப் பகுதியில், கீழ்க்கண்ட ஒன்பது பேரூர்கள் அடங்கும், ஊர்ப்பெயர் மற்றொரு பெயர் --------------------- ------------------------------- 1.காரையூர் காரைக்குடி 2.கழனிவாசல் கோவிலூர் 3. கோனேரி = 4.திரு ஆராற்குடி = 5.திருயீங்கைக்குடி பிள்ளையார்பட்டி 6.நுளம்பூர் - பஞ்சவன்மாதேவிநல்லூர் 7.பனைக்குடி பனையன்பட்டி 8.N.மருதங்குடி ராசநாராயணபுரம் 9.N.மாத்தூர் வீரபாண்டியபுரம் அதளையூர் நாட்டுத் தேனாற்றுப்போக்கிலும் ஒன்பது பேரூர்கள் இருந்தன அவை, ஊர்ப்பெயர் மற்றொரு பெயர் --------------------- ------------------------------ 1.ஆர்க்காடு = 2. இலகனல்லூர் நேமம் 3. ஓங்காரநாத சதுர்வேதி மங்கலம் = 4. சிறுவயல் ஓ.சிறுவயல் 5.சூரைக்குடி = 6. திருக்குன்றக்குடி குன்றக்குடி 7.திருச்சமணமழகிய நல்லூர் = 8. N நியமம் குலசேகரன் மடிகை 9.பலவான்குடி = இவையாவும் சிவகங்கை மாவட்டத்தின் திருப்பத்தூர்- காரைக்குடி பகுதிகளை தன்னுள் அடக்கிக் கொள்வதாகும். இப்பகுதியில் விரிசுழியாறும் அதன் துணையாறுகளான தேனாறு, பாலாறு, மணிமுத்தாறு முதலானவைகளும் ஓடி வளம்பெருக்கி முடிவில் வங்கக் கடலில் கலக்கின்றன. அதளையூர் நாடாழ்வார்கள் ----------------------------------------------- நாடாள்வான் எனக் குறிப்பிடப்படுவோர் நாட்டின் புறப்பகுதிகளில் நிலையாகத் தங்கியிருந்து நாடுகளின் நிர்வாகத்தை மன்னர் சார்பாக மேற்கொண்டோராவர். தொடக்கத்தில் இவர்கள் ஆட்சி-நிர்வாக உரிமையுடையவர்கள் எனும் பொருளில் ஆள்வான் {நாடாள்வான்} எனச் சாசனங்களின் சில இடங்களில் வழங்கப்பட்டனர். பிறகு முழு உரிமையுடையோன் எனும் பொருளில் ஆழ்வான் {நாடாழ்வான்} என சாசனங்களில் பல இடங்களில் பயின்று வருகின்றனர். அரசியல் அலுவலராக இருந்து பின்னர் நாடாளும் முழு உரிமை பெற்ற குறுநிலக்குடித் தலைவர்களாக இவர்கள் மாறத்தொடங்கினர் எனக் கருதத் தோன்றுகிறது. இவர்களைக் குறித்து முனைவர் வெ.வேதாச்சலம் அவர்கள் குறிப்பிடும்போது, "தனித்து நின்று அரசுக்காதரவாக இயங்கிய குறுநிலத்தலைவர்களே பிறகு கட்டுப்படுத்தப்பட்டு அரச நிர்வாகத்தில் அரசியல் அலுவலராக பணியாற்றி அடங்கிப்போனார்கள்"- என்று கூறுவார். {பாண்டிய நாட்டு வரலாற்று முறை சமூக நிலவியல், பக்: 64} இங்கு நாம் காணவிருக்கும் 'சூரைக்குடி அரசு' என்பது முதலில் பேரரசுக்கடங்கிய அரையர்கள் மற்றும் நாடாழ்வார்களாக செயல்பட்டுப் பின்னர் தமது நிலையான அதிகாரத் தன்மையினால் ஓர் அரசு நிலைக்குத் தலைமையேற்று உருவான சிற்றரசு வம்சமாகும். இதன் அரசர்கள் "விஜயாலயத்தேவர்கள்" எனும் பெயரை வழிவழியாக ஏற்று வழங்கி வந்தனர். இவர்கள் தோற்றம் பற்றி சிறிது ஆராய்வோம். சூரைக்குடி விஜயாலயத்தேவர்கள், "அதளையூர் நாடாழ்வார்கள்" -என்றும், "அவையன்" -என்றும், தொடர்ந்து சாசனங்களில் பயின்று வருகின்றனர். சூரைக்குடியைப் பொறுத்தவரையில் அதளையூர் நாடாழ்வார்கள் ஆதிக்கமே இருப்பதால், "பராந்தக அதளையூர் நாடாழ்வானாயின கடம்பனாட்டி" என்போனையே இவ்வரசின் மூலகர்த்தாவான முதலாமானவானாகக் கொள்ளலாம். இவன் முதலாம் பாண்டியப் பேரரசர் சடையன் ஸ்ரீமாறன்ஸ்ரீவல்லபதேவரின் { கி.பி.815-62} காலத்திய சாசனமான குடுமியான் மலைக் கல்வெட்டில்{IPS: 238} குறிக்கப்பெற்றுள்ளான். இவன் நாடாழ்வான் எனும் நிலையில் இப்பகுதியின் ஆட்சியாளராகச் செயல்பட்டுள்ளான். அடுத்ததாக, முதலாம் குலோத்துங்க சோழ தேவரின் { IPS:124} சாசனத்தில் "அழகு கண்டப் பெருமாளான அதளையூர் நாடாழ்வான்" என்பவன் குறிப்பிடப்பெறுகிறான். அழகு கண்டப் பெருமாளான அதளையூர் நாடாழ்வான் என்போன், பராந்தக அதளையூர் நாடாழ்வானான கடம்பனாட்டியின் வழித்தோன்றலே எனக் கொண்டால் சுமார் முந்நூறு ஆண்டுகள் இந்நாடாழ்வார்களின் தலைமை இங்கு தொடர்கிறது எனும் செய்தி இங்கு பெறப்படுகிறது. இந் நாடாழ்வார்கள் அரையர்- பேரரையர் எனும் சமூகத்தரத்தையும் பெற்றிருந்தனர். சாசனங்களில் கீழ்க்கண்டவாறு அதளையூர் நாடாழ்வார்கள் பயின்று வருகின்றனர்., 1.பராந்தக அதளையூர் நாடாழ்வானான கடம்பனாட்டி,{ SII,XIV, No: 50,- 10th century} 2. அதளையூர் நாடாழ்வான் { 11th century, ARE 303/1955-66} 3.அதளையூர் நாடாழ்வான் வெள்ளானை விடங்கன் எனும் வெள்ளானை விடங்கன் அவையஞ்சானான விருதராச பயங்கர நாடாழ்வான் { ARE 47/1946-47& SII,XIV No:204} 4.அதளையூர் நாடாழ்வான் மும்முடிச்சோழ வீரசேகரன் {SII, XIV,No:208, ARE 32/1909} 5.அஞ்நூற்றுவன் உய்யவந்தானான அதளையூர் நாடாழ்வான் {ARE 28/1909} 6.வீரசேகரநான ஆளுடையானான அதளையூர் நாடாழ்வான் {ARE 25/1909, 12th century} 7.கண்டன் திருப்பாலை உடையானான குலோத்துங்க சோழ அதளையூர் நாடாழ்வான் {ARE 101/1945-46} 8.வெள்ளானை விடங்கன் திருக்கழிப்பாலையுடையான் {ARE 104/1945-46} 9.அழகு கண்டப் பெருமாளான அதளையூர் நாடாழ்வான் {IPS:124} 10.வென்று முடிசூடிய அதளையூர் நாடாழ்வான் {ARE 94/1924;ARE 322/1923} 11.அதிசயப்பெருமாளான வென்று முடிசூடின அதளையூர் நாடாழ்வான் {ARE 79/1924C, 13th century} 12. உய்யவந்தான் வென்று முடிசூடின அதளையூர் நாடாழ்வான் {ARE 101/1924C; ARE 160/1935-36} 13.சக்கரவர்த்தியான குலசேகர அதளையூர் நாடாழ்வான் {ARE 31/1924C} 14.மறவன் அவையன் சாத்தனான அதளையூர் நாட்டுப் பேரரையன் {IPS:505, புதுக்கோட்டை வட்டாரக் கல்வெட்டுகள், க.எண்: 13th century } - முதலியோர் நாடாழ்வார் மற்றும் நாட்டுப்பேரரையராகத் தொடர்கின்றனர். நாடாழ்வார்கள் அரையர்களாக இருந்தமைக்கு "கீரனூர் அரையர்களில் மங்காமை காத்தானான விக்கிரமசோழ நாடாழ்வான்" { அ.தொ. பக்:24, புலவர். செ.ராசு} எனும் சாசனத் தொடரும் உறுதி செய்துள்ளது. மேற்கண்ட நாடாழ்வான்களில் வீரகேரளனான விருதராச பயங்கர அதளையூர் நாடாழ்வானுக்கு தேனாற்றுப்போக்கில்,.. 1.திருக்குன்றக்குடி 2.வேழவூர் 3.படைக்கணி 4.வேட்டங்குடி 5.காஞ்சிரங்குடி 6.சாழி 7.பாதிரிக்குடி 8.பாரீசுவரமங்கலம் 9.கண்ணமங்கலம்- முதலான ஒன்பது ஊர்கள் ஜீவிதமாக அளிக்கப்பட்டிருக்கின்றன. {ARE 35/1907}

அஞ்நூற்றுவன் உய்யவந்தானான அதளையூர் நாடாழ்வானுக்கும் அதே தேனாற்றுப்போக்கில்.. 1.செங்கணி 2.பலவாக்குடி 3.புரவுவரிநல்லூர் 4.சிறுவெட்டி 5.மணியாத்திறல் 6.பாலைவாயில் - முதலான ஊர்கள் ஜீவிதமாக இருந்துள்ளன. இந்த தேனாற்றுப்போக்கை அதளையூர் நாடாழ்வான்களுடன் பங்கு போட்டுக்கொண்ட மற்றொரு நாடாழ்வார்கள் காங்கேயன் வழியினர் ஆவார்கள். சூரைக்குடி அரசு ----------------------------- முதலாம் பாண்டியப் பேரரசு காலத்தில் அதளையூர் நாடாழ்வான்களாகத் தோற்றமளிக்கும் இத் தலைவர்கள்{IPS:238} 12ம் நூற்றாண்டளவில் முன்னிலை பெறுகின்றனர்{IPS:124} பின்னர் சோழராதிக்கம் நலிவடைந்த நிலையில் படைப்பற்றுக் குடியிருப்புகளையும்,பாடிகாவல் அமைப்பையும் நன்கு பயன்படுத்திக்கொண்டு குறுநில அரசாக மாற்றம் பெற்று 17ம் நூற்றாண்டு வரையிலும் கோலோச்சியுள்ளனர். இவர்கள் போன்றே நாம் மேற்சொன்ன பிற ஐந்து அரசுகளும் இதே போல ஆதிக்கம் பெற்றுள்ளன. நாளை சூரைக்குடி அரசு எனும் தலைப்பில் மீண்டும் தொடர்வேன். நன்றி அன்பன் கி. ச.முனிராஜ் வாணாதிராயன். Muniraj Vanathirayar ❤️

சூரைக்குடி அரசு. {பகுதி:2} •~•~~•~~~•~~~•~~~•~~~•~• சோழர்- பாண்டியர் காலத்தில் புதுகைப் பகுதியின் ஆட்சியாளர்களாக இருந்த அதளையூர் நாடாழ்வார்களைப் பற்றி வாசித்து வருகிறோம் {முந்தைய வாசிப்பிற்காக,…. அந்த நாடாழ்வார்களின் பின்னாளைய மரபினர் சிலர் சுயாட்சி பெற்ற சிற்றரசர்களாக{ little kingdom}இருந்தனர் என, நிக்கோலஸ் டிர்க்ஸும் கூறுவார். பராந்தக அதளையூர் நாடாழ்வான் முதல், மாங்குடி மறவன் அவையன் சாத்தனான அதளையூர் நாட்டுப் பேரரையன் வரையிலும் தொடர்ந்த நாடாழ்வார்களின் மரபு அடுத்து வந்த தசாப்தங்களில் அரசு எனும் தோற்றம் பெறுகிறது. 14ம் நூற்றாண்டின் பிற்பகுதியிலிருந்து சுமார் 250 ஆண்டு காலம் வரை{1373- 1608} சூரைக்குடி அரசின் ஆட்சியாளர்களாக அரசு எனும் பெயரில் 19 ஆட்சியாளர்கள் இனம் காணப்படுகின்றனர். அவர்களை வரலாற்றறிஞர் திரு. சுப்பராயலு அவர்கள், கீழ்க்கண்டவாறு வரிசைப்படுத்தியுள்ளார். சூரைக்குடி சிற்றரசர்கள் காலம் *. *. *. *. *. *. *. *. *. *. *. *. *. * 1. அவையன் பெரியனான தொண்டைமானாரான விசையலாயத் தேவர் ‌. 1373-80 2. திருமேனியழகியாரன நயினார் விசையாலயத்தேவன் 1388 3. செண்பகராயனான விசையாலயத்தேவன். 1421 4.பொன்னாயனான விசையாலயத்தேவன். 1446 5. சொக்கநாயினாரான விசையாலயத்தேவன். 1449 6. செண்பகப் பொன்னாயனான பராக்கிரம பாண்டிய விசையாலயத்தேவன் 1452 7. திருமேனியழகியாரான வீரபாண்டிய விசையாலயத்தேவன். 1458-62 8. அவையாண்டாரான சுந்தரபாண்டிய விசையாலயத்தேவன். 1462 9. பள்ளிகொண்டப் பெருமாளான விசையாலயத்தேவர். 1497 10. அடைக்கலம் காத்தாரான நாடுமதித்த விசையாலயத்தேவர் 1511 11. வயிரவ நாயினாரான விசையாலயத்தேவர். 1524- 32 12. ௵ரங்கநாதனான பெத்தப்ப விசையாலயத்தேவர். 1550- 59 13. செவ்வப்ப விசையாலயத்தேவர். 1577 14. அச்சுதப்ப விசையாலயத்தேவர் 1577 15.வெங்களப்ப விசையாலயத்தேவர். ? 16. காத்தாரான விசையாலயத்தேவர் 17. இராயப்ப விசையாலயத்தேவன் 1591 18. அதிராப்புலி விசையாலயத்தேவர். 1595 19 வயிரவ விசையாலயத்தேவர். 1608 -. என 19 ஆட்சியாளர்கள் வரிசைப்படுத்தப்படுகின்றனர். {Structure and Society in Early South India Essays in Honour of Noboru Karashima Edited by Kenneth R. Hall, Oxford University press.2001, Arasus of the Pudukkottai Region and the Nayaka system Y.Subbarayalu} இதில் இன்னும் சில ஆட்சியாளர்களை நாம் கண்டுள்ள சான்றுகளின் அடிப்படையில் சேர்க்கலாம். அவர்களாவன,.. 1. தீராதவினை தீர்த்த விசையாலயத்தேவர் {கி.பி. 1550, இவரது மகன்தான் ரங்கநாத பெத்தப்ப விசையாலயத்தேவர்} 2. இராச விசையாலயத்தேவர் 1797 3.விசையாலயத் தேவர். கி.பி 1863 சூரைக்குடியின் கடைசி விசையாலயத்தேவர் கி.பி.1863 வரை குறிப்புகளில் காணப்படுகின்றார். அதாவது 150 ஆண்டுகளுக்கு முன்னர் {சற்றேறக்குறைய நான்கு அல்லது ஐந்து தலைமுறைகளுக்கு முன்னர் வரை }அவர்கள் இருந்துள்ளதை கோவிலூர் சாசனம் ஒன்று தெரிவிக்கிறது {The vicissitudes of Virayaccilai, ‘collected papers’.vol- 1, } சூரைக்குடியின் ஏழாவது ஆட்சியாளரான திருமேனியழகியார்தாம் முதலில் “அரசு” என சாசனங்களில் குறிக்கப்படுகிறார். முதலாம் ஆட்சியாளரான, அவையன் பெரியநாயனாரான விசையாலையத்தேவரிலிருந்து {IPS:454} [இவரே தொண்டைமானார் எனவும் பெயர் பெற்றவராவார், செம்பியநாட்டு மறவர் கிளைகளில் தொண்டைமான் எனும் கிளையும் உள்ளது] {IPS: 452} 9ம் ஆட்சியாளனான, பள்ளிகொண்ட பெருமாள் விசையாலயத்தேவர் வரை, பாண்டியரின் மேலாண்மைக்குரியோராகவும், 12வது ஆட்சியாளராக, அறியப்படும் ‌௵ரங்கனாத பெத்தப்ப விசையாலயத்தேவர் விஜயநகரின் கீழும், அடுத்தடுத்த ஆட்சியாளர்களான, செவ்வப்ப, அச்சுதப்ப, வெங்கடப்ப விசையாலயத்தேவர்கள் தஞ்சை நாயக்கரின் கீழும் செயல்பட்டுள்ளனர் என ஏற்கலாம். இருப்பினும், இந்த அரசுத்தலைவர்கள் பெயரளவிற்கே அன்னார்களது மேலாண்மையின் கீழிருந்தனர் என்பதை இவர்களின் தன்னிச்சையான செயல்பாடுகளை விவரிக்கும் சாசனங்கள் மூலம் நன்றாக அறியலாம். இனமரபு ~~~~~~~~ சூரைக்குடி அரசின் தோற்றம் அதளையூர் நாடாழ்வான்களிலிருந்து தொடங்கியதாகும், இதை கீழ்கண்டவாறு சில கல்வெட்டுச் செய்திகளில் இருந்து நாம் தெளிவாக அறியலாம்,.. “மாங்குடி மறவன் அவையன் சாத்தனான அதளையூர் நாட்டுப் பேரரையன்” – என அறியப்பெறும் கல்வெட்டில், அதளையூர் நாடாழ்வார்கள் “மறவன்” எனும் இனப்பெயரைத் தாங்கி வருகிறார்கள். மேலும் “அவையன்” எனும் பட்டத்தினையும் பெற்றுள்ளனர். இது தொடர்ச்சியாக சூரைக்குடி விசையாலயத் தேவர்களின் பல கல்வெட்டுகளில் அவர்களுடன் இணைத்துக் குறிப்பிட்டுப் பயின்று வரும் வாக்கியமைதியாகும், அதளையூர் நாடாழ்வார்களில் இறுதியாக அறியப்பெறும் பேரரையருக்கு அடுத்ததாகக் காலநிரல்படி தொடரும் சாசனமானது,.. “தேனாற்றுப் போக்கு அதளையூர்னாட்டுச் சூரைக்குடி அவையன் பெரியானான தொண்டைமானாற்கு”.. -எனும் வாக்கியமைதிகளைக் கொண்டு விளங்குகிறது. -இந்தக் கல்வெட்டு திருமயம் தாலுகா ,நெய்வாசலில் உள்ள அகத்தீஸ்வரர் கோயில் சுற்றுச்சுவரில் வடபுறம் அமைந்துள்ளது. இதில் அதளையூர் நாடாழ்வார்களின் தொடர்ச்சியான பட்டமாகிய “அவையன்” மற்றும் இருப்பிடமான “தேனாற்றுப்போக்கு” இரண்டும் குறிப்பிடப்படுகின்றது. அடுத்ததாக,.. ” …..கேரள சிங்க வளநாட்டு அதளையூர் நாட்டு நியமப்பற்று சூரைக்குடி அவையாண்டாரான சுந்தரபாண்டிய விசையாலையத் தேவரேன்”…. {IPS: 800} – என அதளையூர் நாட்டைச் சேர்ந்தவராக சூரைக்குடி அரசின் 8வது ஆட்சியாளர் இங்கு குறிக்கப்படுகிறார்{கி.பி.1462} இவரது பெயரில் உள்ள அவையாண்டார் என்பது அவையன் எனும் முந்தைய வடிவமாகும். இவரது இருப்பிடமாக ‘நியமப்பற்று’ {குன்றக்குடி அருகிலுள்ள இன்றைய நேமம்}குறிப்பிடப்பட்டுள்ளது. இந்த நியமப்பற்றானது “நியமநாடு” எனவும் வழங்கப்பட்டதை,.. -குளத்தூர் தாலுகா, பரம்பூர் சோழேஸ்வரர் கோயிலின் தென்புறச் சுவர் சாசனமும் {IPS: 783} தெரிவிக்கிறது. அதாவது,.. ” நியமநாட்டு சூரைக்குடியில் திருமேனியழகியாரான விசையாலையதேவர்”- என்கிறது. நியமநாடு எனும் நேமநாடு மற்றொரு கல்வெட்டிலும் பயின்று வருகிறது. “கேரளசிங்க வளநாட்டு தேனாற்றுப் போக்கு நியமநாட்டு சிறுவயல்” – எனும் நெய்வாசல் சாசனமும் { IPS: 786} நேமநாடு எனும் நாட்டுப்பகுதி இருந்ததை உறுதி செய்கிறது. இந்த நேமநாட்டு மறவர்கள் “தளவான்கள்” என இன்று அழைக்கப்படுகின்றனர். இவர்கள் தங்களை விசையாலயத்தேவர் வழி வந்தோர் எனக் குறிப்பிடுகின்றனர். இவர்கள் சூரைக்குடி அரசின் பகுதிகளில் காலங்காலமாக வாழ்ந்து வருகின்றனர். மேற்கண்ட அரசின் முக்கிய ஆலயங்களில் இவர்கள் தேரோட்டம் மற்றும் முக்கிய விழாக்களில் பரிவட்டம்- வெள்ளைவீசுதல் முதலான சிறப்புரிமைகளைப் பெறுகின்றனர். சூரைக்குடி அரசு விசையாலயத் தேவர்களும், அவர்களின் முந்தைய மூதாதையர்களான அதளையூர் நாடாழ்வார்களும் தம்முடைய குடியிருப்பாக தமது சாசனங்களில் “கேரள சிங்க வளநாட்டு அதளையூர் நாட்டு தேனாற்றுப்போக்கு நியமப்பற்று” – என இந்த நேமநாட்டைத்தான் குறிப்பிடுகிறார்கள். •குன்றக்குடி தல வரலாறு நூல் கூறும் உண்மைகள்• இந்த “நியமப்பற்று” என்பது சரியாக, குன்றக்குடி முருகன் கோயில் அடிவாரப் பகுதியாகும். இக்கோயிலில், அதளையூர் நாடாழ்வார்களின் கல்வெட்டுகளும், சூரைக்குடி அரசு கல்வெட்டுகளும் காணப்படுகின்றன. இக்கோயிலின் சுந்தரேஸ்வரர் சந்நிதி முகமண்டபத்தின் இடப்புறச் சுவர்த் தூணிலுள்ள கி.பி.1110 ம் ஆண்டித்திய சாசனம் ஒன்றில், “அதளையூர் நாடாழ்வான் ஐநூற்றுவன் உய்ய வந்தான்” குறிப்பிடப்பெறுவதையும், அதே கோயில் சந்நிதியில், முன்மண்டப வலப்புறச் சுவரில், அதே ஆண்டில், நேமநாட்டார்கள் வாழும் ஒன்பது ஊர்களான இரவிகுல மாணிக்க நல்லூர், செங்கணி, பலவான்குடி, வெழுவூர், காஞ்சிரங்குடி, வேட்டக்குடி, ஆர்க்காடு, சிறுகுடி, சிறுவயல், தாவக்குடி ஆகியவற்றைச் சேர்ந்த ஊரவர்கள் இணைந்து தானமளித்த சாசனமும் இடம்பெற்றுள்ளது. “குன்றக்குடி முருகன் கோயில் அடிவாரத்தில்தான் கேரள சிங்க வளநாட்டு தேனாற்றுப் போக்கு நியமப்பற்று” -எனக்குறிப்பிடும் பகுதி அமைந்துள்ளது. இங்கு ‘தேனாற்று நாதர்’ என சூரைக்குடி அரசால் பூசிக்கப்பட்ட இறைவன் எழுந்தருளியுள்ளார். நியமப்பற்று நாட்டவரான நேமநாட்டார்கள் இக் குன்றக்குடி கோயில் திருவிழாவாகிய தைப்பூச நன்னாளில், ஒன்பதாம் திருநாளாக விளங்கும் “தேரோட்டத் திருவிழா” அன்று, பரிவட்ட மரியாதையினைப் பெறுகின்றனர். இக்குன்றக்குடி இருப்பது நேமநாடாகையால், இக்கோயிலின் இறைவன் “நேமநாடுடைய வள்ளல்” எனும் பெயரைப் பெறுகிறார். நேமநாட்டார்கள் வழிவழியாக இப் பெருமானுக்குத் தொண்டு செய்து வரும் பெருமையுடையவர்கள் ஆவர் {பக்: 55} . இது தவிர, பங்குனி உத்திரம் அன்று இக்கோயிலின் முதல் மண்டகப்படியினை ஏற்று நடத்துவோரும், கோயில் கொடியேற்றம் நிகழ்த்துவோரும் முதல்நாளிரவு முருகனை வெள்ளிக் கேடகத்தில் எழுந்தருளச் செய்வோரும் நேமநாட்டவர்களே ஆவர். இதை,.. “பங்குனியிற் கார்த்திகையில் பற்றுக்கொடி ஏற்றமதில் நங்கை திரு வார் நேமநாட்டினார் மங்கலஞ் சேர் மண்டபத்தில் உற்று” – என சண்முகநாதருலா புகழும்.{கண்ணி: 214- 215} {பக்: 57-}. சூரைமாநகர்ப் புராணம் சொல்லும் செய்தி• சூரைக்குடி தலத்திற்கு சூரைமாநகர்ப்புராணம் எழுதிய மனோன்மணியம் சுந்தரம் பிள்ளை அவர்கள், “பொன்னான விசையாலயத்தேவன் நிருத்த தரிசனஞ் செய்த படலம்”- எனும் தலைப்பின்கீழ், “மறவாதடி போற்று{ம்} மறவாணர்களரசே பிறவாநெறி பெறுவே..னுறவாவுனைத் தொழுவேன்” – என பொன்னான விசையாலயத்தேவன், அந்த இறைவனை ,’மறவாணர்கள் வணங்கும் அரசே’-என வணங்குவதாகப் பாடல் அடிகள் வருகிறது. •செப்பேடுகள் காட்டும் வழி• ஐயா, மேலப்பனையூர் கரு.ராசேந்திரனின் சேகரிப்பிலுள்ள, மறவர் செப்புப்பட்டயங்களில், .. விசையாலயத்தேவர் வழியினரோ? என அம் மறவ அரையர்களை எண்ணத்தகும் வகையில், பல்வேறு தொடர் தகவல்கள் உள்ளன. அவைகளில் சிலவற்றை இங்கு காண்போம். 1.பனையூர் வலஞ்சு வெட்டி கரைப் பட்டயத்தில், 25-26-27, வது வரிகளில்,.. ‘மறமன்னர் கலங்காத கண்டன் அவியராயப்புரையர் வயிர மதிச்சான்” எனும் பெயரில் ஒரு மறவர் குறிக்கப் பெறுகிறார். இதிலுள்ள ‘அவியராயப்புரையர்’ என்பது அவையராயப்பேரரையர் எனும் விளக்கம் பெறும். அவையன் -அவையாள்வான்-அவையராயர்- அவையாண்டார் முதலான சொற்கள் விசையாலயத்தேவருக்குரியதாகும். வயிர எனும் சொல் வயிரவநயினாரான விசையாலயத்தேவரையும்,மதிச்சான் எனும் சொல் நாடுமதித்த விசையாலயத்தேவரையும் மனதில் நிறுத்தும். 2. வாவாசி விசையாத்தேவன் பட்டயம், மதமடக்கி விசையாத்தேவன் வலம்புரிப்புரையர் என மறவரைப் பேசுகின்றது. 3.கோடாளி சின்னாதி கரைப் பட்டயம், “மறமன்னர் பரியேறு தேவர்” என சொல்கிறதை, “பாண்டியன் படியமுக்கப் பரியேறும் பெருமாள்” – என விசையாலயத்தேவரின் கீர்த்தியினைக் கூறும் கல்வெட்டைக் கவனத்தில் நிறுத்தும். 4. சொரித்தேவன் அசையாவீரன் மூன்று கரைப் பட்டயம், மறவரை”நாடுமதிச்சான்” -[வரிகள்-37-38]எனச் சுட்டுகிறது. நாடுமதித்த எனும் சிறப்புப் பெயர் விசையாலயத்தேவருக்கானதாகும். மேலும் ‘சொரிவன்னியன்{IPS:865}’ என்றும் இவர்கள் வழங்கப்பட்டனர். சொரிவன்னியன் எனும் பெயர் மறவருக்கு சேதுபதி காலம் தாண்டியும் தொடர்ந்துள்ளது. 5.மூலங்குடி செம்பூதி மறவர் பட்டயத்தில், மறவர்கள்…, அ) விசாலையதேவன் [வரிகள்:23-24] ஆ) வன்னிப்புரையர் தேவன் {வன்னியப்பேரரைய தேவன்} இ) மொத்தியப்புலி விசையாத்தேவன் – என வழங்கப்பெறுகிறார்கள். 6.மல்லாங்குடி மறவர் பட்டயத்தில், “விசயாலைய முதலி குண்டடி புரையர்” [வரிகள்:20-21] 7.புல்வயல் சுந்தரபட்டி பட்டயத்தில், “மறமன்னர் தாளிய விசைய உலகத்தேவன்” உள்ளிட்ட மறவர்கள் குறிப்பிடுப்படுகின்றனர். – இவ்வாறு பரவலாக பட்டயங்களில் விசையாலையத்தேவரின் சுவடுகளைத் தாங்கி மறவர்கள் பயின்று வருகிறார்கள். •கல்வெட்டுகள் காட்டும் வழி• 1.”மாங்குடி மறவன் அவையன் சாத்தனான அதளையூர் நாட்டுப் பேரரையன்”- எனும் சாசனம் அவையன் என்றும் அதளையூர்நாடாழ்வார் என்றும் விளங்கிய விசையாலையத்தேவர்களின் வழியைக் காட்டும். இந்த மாங்குடியின் அருகில் 1- 1/2 தொலைவிலுள்ள பனங்குடி ஊர் விசையாலையத்தேவரின் ஆசிரியமாக {பாதுகாவல் பகுதி} இருந்துள்ளது.{ க.எ: 33./பக்: 34 , புதுக்கோட்டை வட்டார கல்வெட்டுகள்} இந்த பனங்குடி பனைகுடி எனவும் அழைக்கப்பட்டுள்ளது. இதை “பனைகுடிப் பால் ‘அய்வன் வேந்தன்’ குடிகாடு ஆன திருஞானசம்பந்த நல்லூர்” { ஆவணம் 28/17,பக்: 95,96} என சாசனம் ஒன்று தெரிவிக்கிறது. அய்வன் வேந்தன் அவையன் வேந்தனாகலாம். 2. சூரைக்குடி அரசு விசையாலையத்தேவரின் சிறப்புப்பெயர் வன்னியனார்{ IPS:865} என சாசனங்கள் குறிக்கும். அதே காலகட்டத்தில் வன்னியன் எனும் பட்டம் தாங்கிய மறவர் {இவ்வூர் மறவரில் சூட்டத்தேவன் வன்னிய மிண்டன்} மேலப்பனையூர் அகிலாண்டேஸ்வரி கோயில் கல்வெட்டில் {க.எ: 155-9, பு.கோ.வ.க, பக்: 168} காணப்படுகிறார். இதேபோல சேரலேரி ஊரவரான அரையன் வன்னியன் நம்பு செய்வார்,{க.எ:12} பரம்பூர் வன்னியன் நம்பு செய்வார்{க.எ:13} யாவரும் மறவர் வாழ்விடங்களில் இருந்தவர்களே ஆவர். 3. பனையூர் கோயிலின் மகாமண்டப நடுவரிசைத் தூண் மீதுள்ள உத்திரத்தில் “அவையன் சோழசிங்கன்” -எனும் குளமங்கலத்தைச் சேர்ந்த மறவன் குறிக்கப்பெறுகிறான். 4. விரையாச்சிலை கண்டீஸ்வரமுடையார் கோயிலின் விசையாலையத் தேவர் சாசனங்கள் பின் வருமாறு தொடர்கிறது.. அ) துலையாநிலை ஊரவர் ‘வன்னிய மதித்த தேவன் கரை’ {IPS: 937} ஆ) துலையாநிலை ஊரவர் [வன்னிய] மிண்டன் கரை” – என சொல்கிறது. மேலுள்ள பத்திகளில் ஏற்கனவே மறவரில் வன்னிய மிண்டனைக் கண்டுள்ளோம். தவிர இந்த சாசனங்களில் சொல்லப்பட்டதைப் போல இன்றும் தங்களை ‘கரைப் பிரிவுகளாக’ புதுகைப்பகுதிகளில் மறவர்கள் தம்மை வகுத்துக் கொண்டு வாழ்ந்து வருகின்றனர். 5. “நியமனாட்டுச் சூரைக்குடியில் திருமேநிஅழகியரான விசையாலையத்தேவர்”{IPS: 783} மற்றும் “கேரள சிங்க வளநாட்டு தேனாற்றுப் போக்கு நியமப்பற்று சூரைக்குடி அரசு காத்தார் விசையாலைய தெவர் குமாரர் இராயப்பரென்” {IPS: 759} எனப் பல்வேறு சாசனங்கள் விசையாலையத் தேவர்களின் வாழ்விடமாக நியமநாடு எனும் பகுதியையே குறிப்பிடுகின்றன. இன்றும் இப்பகுதியில் ‘நேமநாட்டு மறவர்கள்’ சிறந்த மதிப்புடன் ஆலய முன்மரியாதைச் சிறப்புகளுடன் வன்னியன்-தளவான்- என வழங்கப்பட்டு வாழ்ந்து வருகின்றனர். 6. திருமயம் /விரையாச்சிலை, பில்லவனேஸ்வரர் கோயில் சுவாமி சன்னதி வடபுறம் உள்ள சுவரிலிருக்கும் சாசனம் {IPS: 421} இதில் அரசு மக்களில், மறவன் மா. . டயான் மக்கனாயன், ‘அவையன்’ உலகுடையான் உள்ளிட்ட 11 மறவர்கள் வருகிறார்கள். இறுதியாக ‘தவப்பெருமாளான மறமாணிக்க நயினார்’ ஒப்பமிட்டுள்ளான். இவர் மறமாணிக்கர் எனும் மறவர் தலைவரில் ஒருவராவார். 7. 14ம் நூற்றாண்டின் விரையாச்சிலை தூண் கல்வெட்டில் ” விரையாச்சிலைவூர் மறவன் நம்பி அஞ்ஞூற்றுவப்பேரயனும் ‘அவையன் சொக்கனாரும்’ வருகிறார்கள். {க.எ: 158, பு.கோ.வ.க. பக்: 175-176} விரையாச்சிலை மறவர்கள் ‘ஐநூற்றுவன்’ – ‘நயினான்’ எனவும்; பனையூர் மறவர்கள் ‘எட்டி பொன்னன்’ ‘வென்றார்’ ‘வன்னிமிண்டன்’ ‘திருமேனியர்’ ‘காத்தார்’ ‘சாத்தன்’ எனவும்; விரையாச்சிலை-குளமங்கலம் மறவர்கள் ‘அவையன்’ ‘அடைக்கலங்காத்தான்’ ‘வென்றுமாலையிட்டான்’ ‘ எனவும்; நாவலூர் மறவர்கள் ‘பெரியான்’ எனவும், சூரைக்குடித் தலைவர்களின் அனைத்து பெயர்களையும் பட்டங்களையும் மறவர்கள் தாங்கி நிற்கின்றனர். •மறவர் கரைப்பிரிவுகள்• புதுக்கோட்டையின் 12 கரை மறவரில் மூன்று கரையினர் விசையாலையத் தேவர் தடயங்களைச் சுமந்து நிற்கின்றனர். 1. வயிரத்தேவன் புறம். கலங்காத கண்டன் அவையராயப் பேரரையர் வயிரமதிச்சானை முன்னோனாகக் கொண்டது. 2.வாவாசிக் கூட்டம். அடைக்கலம் காத்தாரான வாள்வீசிக் காட்டினான் என்பவரை முன்னோனாகக் கொண்டது. 3. கோடாளிப்புறம். பரியேறு தேவர் கோடாளிப் பேரரையர் என்பவரை முன்னோனாகக் கொண்டது. – இதைத் தவிர எந்தக் கரைப்பிரிவிலும் சேராத தூங்கன் வகையறாக்களுக்கு குலதெய்வமாக ‘அடைக்கலங்காத்தார்’ உள்ளது. •அதிராப்புலி அம்பலம் வகையறா• ஐயா. திரு.சுப்பராயலு வரிசைப்படுத்தியுள்ளோரில் “அதிராப்புலி விசையாலையத் தேவரும் {கி.பி.1595/ IPS:861 } ஒருவர். இச் சிறப்புப்பெயரில் இன்னும் கோட்டூர் எனும் ஊரில் இந்த அம்பலக்காரர் வகையறாக்கள் வாழ்ந்து வருகின்றனர். •அதிராப்புலி கரை• லெம்பலக்குடியில் உள்ள மறவரின் தனிக்கரை இது. •திருமேனி அம்பலக்காரர் வகையறா• திருமேனி அழகியாரான விசையாலையத்தேவர் {கி.பி.1458/ IPS: 798, 712} முன்னொட்டு பெயரில் இன்றும் கோவனூரில் இருக்கும் அம்பலக்காரர்கள் இவர்கள். இவ்விதமாக பல்வேறு விதமான தரவுகள் மற்றும் தற்கால வாழ்வியல் காட்டும் கோணங்களில் எல்லாவிதமான ஒற்றுமைக் கூறுகளும் சூரைக்குடி அரசு விசையாலையத் தேவரை இவர்களுடன்தான் இணைக்கிறது. இனி, சூரைக்குடி அரசின் அடித்தளமாக மறவர் படைப்பற்றான கானநாட்டு விரையாச்சிலைப் படைப்பற்றே விளங்கியுள்ளதை பல்வேறு ஆய்வுகள் படம்பிடித்துக் காட்டியுள்ளன. அவற்றை அடுத்த பதிவில் விரிவாகக் காண்போம். இன்னும் வளரும்…. நன்றி! •ஆதார நூல்கள் மற்றும் தரவுகள்: 1. Inscriptions (texts) of the Pudukkottai state The arranged according to dynasties IPS:454, 452, 800, 865, 783, 786, 937, 759, 421. 861, 798, 712, 2. புதுக்கோட்டை வட்டாரக் கல்வெட்டுகள் (புதிய கண்டுபிடிப்பு) திரு. கரு.ராஜேந்திரன். க.எ: 33, பக்: 34, 155-9,பக்:168, 12, 13,158, பக்:175-176, 3. Structure and Society in Early South India Essays in Honour of Noboru Karashima Edited by Kenneth R. Hall, Oxford University press.2001, Arasus of the Pudukkottai Region and the Nayaka system Y.Subbarayalu 4. The vicissitudes of Virayaccilai, ‘collected papers’.vol- 1, 5.குன்றக்குடி தல வரலாறு, சண்முகநாதருலா .{கண்ணி: 214- 215} {பக்: 57-}. 6. சூரைமாநகர்ப் புராணம். “பொன்னான விசையாலயத்தேவன் நிருத்த தரிசனஞ் செய்த படலம்” 7.பனையூர் வலஞ்சு வெட்டி கரைப் பட்டயம்,(வரிகள்: 25-26-27) 8.வாவாசி விசையாத்தேவன் பட்டயம். 9.கோடாளி சின்னாதி கரைப் பட்டயம். 10.சொரித்தேவன் அசையாவீரன் மூன்று கரைப் பட்டயம். 11. மூலங்குடி செம்பூதி மறவர் பட்டயம். 12. மல்லாங்குடி மறவர் பட்டயம், 13. புல்வயல் சுந்தரபட்டி பட்டயம். 14. ஆவணம் 28/17,பக்: 95,96. அன்பன்: கி.ச.முனிராஜ் வாணாதிராயன் *–*—*—*—*—-* சூரைக்குடி அரசு {பாகம்:3} •~•~~•~~~•~~~•~~~•~~~•~• அன்பு நண்பர்களே.. சூரைக்குடி அரசின் இனமரபினைக் கூறும் தொடர் பதிவுகளில் மீண்டும் உங்களைச் சந்திப்பதில் மகிழ்ச்சி கொள்கிறேன். பல்வேறு வகையான ஆய்வுகள் மூலம் இதைச் சொல்கிறோமே தவிர, இதில் நமது சொந்தக்கருத்துக்களை எங்கும் புகுத்தவில்லை என்பதை யாவரும் அறிக,. முந்தைய பகுதிகளில் கல்வெட்டுகள், செப்பேடுகள், குன்றக்குடி தலவரலாறு, சண்முகநாதருலா, சூரை மாநகர்ப் புராணம், எனப் பலதரப்பட்ட சான்றாவணங்கள் காட்டும் வழிகளைப் பட்டியலிட்டோம். இனி ஆய்வறிஞர்களின் கூற்றினைச் சற்று கேட்போம். •ஆய்வாளர்கள் காட்டும் வழி• புதுக்கோட்டை வரலாற்றைக் கூறுவதில் மிகவும் நல்ல ஆய்வு நூல் எனப் பல்வேறு முன்னணி ஆய்வறிஞர்கள் போற்றும் “புதுக்கோட்டை வரலாறு 1600வரை” நூலில் சூரைக்குடி அரசு பற்றியும், அதன் செயல்பாடுகள் பற்றியும் முனைவர்.வீ.மாணிக்கம் அவர்கள் மிகத் தெளிவாக விளக்குகிறார். அவற்றில் சூரைக்குடி அரசின் இனமரபினைக் கீழ்க்கண்டவாறு குறிப்பிடுகிறார்.. ” மறவர் சமூகத்தவரின் தலைவர்களுள் ஒருவரான விசையாலயத்தேவர்கள் குற்றரசாக சூரைக்குடியை மையமாகக் கொண்டு செயல்பட்டுள்ளனர்”.[ பக்:356]-என்றும், “மறவ அரையர்கள் 14ம் நூற்றாண்டில் ஆதிக்கம் பெற்று இறுதியில் தம் தலைவனான சூரைக்குடி அரசிடம் பாடிகாவலை ஒப்படைத்துள்ளனர்”[ பக்: 336] -என்றும், இந்த சிற்றரசின் அதிகாரத்திற்கு அடித்தளமாக படைப்பற்றுக் குடியிருப்புகளில் வசித்த மறவர் சமூகத்தவரே செயல்பட்டனர் -என்றும், “வன்னியனார் அடைக்கலம் காத்தாரான நாடுமதித்த விசையாலையத்தேவர்” [IPS: 720] -என குறிப்பிடப்படுவதால் இவர் மறவருள் ‘வன்னியமறவர்’ எனும் பிரிவினராகக் கருதலாம்,[பக்: 356-357] என்றும், கூறுகிறார். விசையாலயத்தேவரை வன்னியனார் எனக்கூறும் மேற்கண்ட கல்வெட்டு, கி.பி.1502 ம் ஆண்டிற்குரியதாகும்.[16ம் நூற்றாண்டு]. இக்கல்வெட்டு திருமயம் கண்டீஸ்வரமுடையார் கோயிலின் சுவாமி சன்னதியில் வடபுறச் சுவரில் உள்ளது. இதற்கு ஒரு நூற்றாண்டிற்கு முன்பாகவே இதே திருமயம் வட்டத்தில் மேலப்பனையூர் அகிலாண்டேஸ்வரி கோயிலில் .. 1.இப் பாக்கல்லு 2. இவ்வூர் மறவரி 3.ல் சூட்டத்தேவர் வன்னிய மிண் 5.டன் தன்மம்” [க/என:155-9, பக்: 168, புதுக்கோட்டை வட்டாரக் கல்வெட்டுகள்] – என மறவருக்கு வன்னியன் என கல்வெட்டு உள்ளது இங்கு குறிப்பிடத் தக்கதாகும். புதுகைப் பகுதியில் வன்னியன் என மறவரைத் தவிர வேறு சமூகத்தவர் எவருக்கும் கல்வெட்டு இல்லை. அதே போன்று இப்பகுதிச் செப்பேடுகளிலும் மறவரே “வன்னியப் பேரரையத்தேவன்” [ மூலங்குடி செம்பூதி மறவர் பட்டயம்]- எனவும் குறிப்பிடப் பெற்றுள்ளனர். இது பொன்ற சான்றும் மற்ற எவருக்கும் இப்பகுதியில் இல்லை. ஏற்கனவே 16ம் நூற்றாண்டில் நெல்லை மாவட்டம் இளவேலங்கால் கல்வெட்டில் மறவர் ஒருவரது பெயர் “லிங்கத்தேவ வன்னியன்” என உள்ளதையும், ராமநாதபுரத்துச் சேதுபதிகள் “சொரிவன்னியன்” எனச் சாசனங்களில் வழங்கப்பெறுவதையும், அச் சேதுபதிகளில் சடைக்கத்தேவனது மருமகன் ஒருவர் வன்னியத்தேவன் [ராமப்பையன் அம்மானை] எனப் புகழ்பெற்று விளங்கியதையும் இங்கு ஈண்டு கவனத்தில் கொள்ள வேண்டும். ஆகவே, பழைய புதுக்கோட்டை மாநிலமோ, சிவகங்கை, இராமநாதபுரம், திருநெல்வேலி மண்டலங்களோ ஆகட்டும் எங்கும் மறவர்கள் வன்னியர் என அழைக்கப்பட்டுள்ளனர் என்பது தெள்ளத் தெளிவாக நாம் விளங்கிக்கொள்ள வேண்டுவனவாகும். மேலும், இன்று சிலர் உள்நோக்கம் கொண்டு திரிக்கும் “மாங்குடி மறவன் அவையன் சாத்தனான அதளையூர் நாட்டுப் பேரரையன்” [IPS: 505] சாசன வாக்கியத்தையும் உள்ளது உள்ளபடியே தனது நூலில் எழுதியுள்ளார். [ பக்: 357]. மறமுதலிகள், மறமாணிக்கர் என வரும் சாசன வாக்கியங்களுக்கும் இவர் சிறப்பான விளக்கம் கொடுத்து அன்னார் மறவரில் முதன்மையானவர் மற்றும் மறவர் சமூகத்தைச் சேர்ந்த தலைவர்கள் என்றும் உறுதி செய்துள்ளார். அவற்றை விரிவாகப் பிறகு காண்போம். புதுக்கோட்டை சமஸ்தானத்தின் தெற்கு மற்றும் தென்மேற்குப் பகுதியில், குறிப்பாக வெள்ளாற்றிற்குத் தெற்கே கோட்டூர், லம்பலக்குடி வரையிலும் மறவர் குடியிருப்புகள் செறிவாகக் காணப்பட்டன. இதற்குத் தென்பகுதியில் சேதுச் சீமையும், சிவகங்கைச் சீமையும் அமைந்திருந்தன. கள்ளர் தலைவர்களான தொண்டைமான்கள் மேற்கூறப்பட்ட மறவர் ஆதிக்கம் பெற்ற பகுதிகளில் கள்ளர் குடியிருப்புகளை அமைத்து மறவரின் செல்வாக்கைக் குறைக்க முயற்சித்ததாக நிக்கோலஸ் டிர்க்ஸ் கூறுவார். அடுத்ததாக,.. தமிழகத் தொல்லியல் துறை வெளியிட்ட Collected papers studies in South Indian Epicraphy and history {R.Tirumalai .IAS.Rtd.} , “Virayaccilai” [ Virayaccilai , the Garrison of township] – எனும் தலைப்பில் தொல்லியல் அறிஞர் திருமலை ஐ.ஏ.எஸ் அவர்கள் குறிப்பிடும் பொழுது,.. விராச்சிலை என்பது திருமய்யம் தாலுகாவில் உள்ள ஒரு கிராமம் இங்கு இடைக்காலப் பாண்டியர்களின் கீழிருந்த குறுந் தலைவர்கள் தங்களின் படைப்பற்று தளமாக வைத்திருந்தனர். இந்த படைப்பற்றில் அரசமக்கள் அல்லது மறமுதலிகள் எனும் மறவர் குலத்தின் தலைவர்கள் வசித்து வந்தனர்- என்றும், இந்த படைப்பற்றின் இரண்டு முக்கிய கூறுகளாக, விஜயாலயத்தேவரின் வாரிசுகளாகிய அரசமக்களான சூரக்குடித் தலைவரின் குடும்பம், மற்றும் மறமுதலிகள், அதாவது மறவர் தலைவர்களும் அவர்களது குடும்பத்தினரும் இருந்தனர் -என்றும், சக ஆண்டு 1371 ஆம் ஆண்டித்திய சாசனப் பதிவுகள் இந்தப் படைப்பற்றுக் குடியிருப்பை வெளியே கொண்டு வந்தன, இங்குள்ள ஆதி கண்டீஸ்வரமுடையார் கோயில் கி.பி 1449 இல் கேரள சிங்க வளநாடு தேனாற்றின் நீர்ப்பாசனப் பாதையில் நியமப்பற்றில் உள்ள சூரக்குடியைச் சேர்ந்த மறவர் தலைவர்களின் கட்டுப்பாட்டில் இருந்தது. -என்றும் , தெளிவாகக் கூறுகிறார். ஏறக்குறைய கி.பி. 1430 முதல் 1550 வரை. விராச்சிலையானது சூரைக்குடி முதல்வர்களின் கட்டுப்பாட்டின் கீழ், ஒரு நூற்றாண்டு காலமாக சந்தேகத்திற்கு இடமின்றி இருந்துள்ளது. இந்த மறவர் படைப்பற்றைச் சேர்ந்தவர்கள் தங்கு தடையின்றி . சூரைக்குடி முதல்வர்களுக்கு உறுதியான முறையில் தங்கள் விசுவாசமான ஆதரவைக் கொடுத்தனர், விசயாலயத்தேவருக்கு ஆதரவாக நின்று சூரைக்குடி பாதையில் படையெடுத்த எதிரிகளைக் கொல்ல உதவினார்கள். வழுத்தூர் பல்லவராயரை வென்றதும் இவர்களே ஆவர். இனி விரயாச்சிலை உள்ளிட்ட நான்கு மறவர் படைப்பற்றுகள் சூரக்குடி அரசுக்கு அளித்த பங்களிப்பு என்ன? என்பதைப் பற்றி அடுத்த பதிவில் விரிவாகக் காண்போம்.. நூற்சான்றுகள்: 1. புதுக்கோட்டை வரலாறு 1600 வரை, {பக்கங்கள்,336, 356, 357,} 2. Collected papers studies in South Indian Epicraphy and history {R.Tirumalai .IAS.Rtd.} , “Virayaccilai” [ Virayaccilai , A Garrison (padaiprru) township] Tamilnadu Department of Archaeology . 3. புதுக்கோட்டை வட்டாரக் கல்வெட்டுகள். {க.எண்:155-9, பக்கம்: 158} 4.மூலங்குடி செம்பூதி மறவர் பட்டயம்.